Moskva və Tiflis “Kazbek- Yuxarı Lars” sərhəd keçid məntəqəsində Rusiya-Gürüstan sərhədini açmaq barədə razılığa gəliblər.
Bu barədə Gürcüstanın xarici işlər nazirinin müavini Nino Kalandadze bildirib. “Qərar qəbul edilib”, deyə o bildirib. O qeyd edib ki, bu barədə qərar İsveçrənin vasitəçiliyi ilə tərəflər arasında keçirilən görüşdə qəbul edilib.
Sərhəd məntəqəsinin açılışı martın əvvəllərinə nəzərdə tutulub.
Qeyd edək ki, bu keçid məntəqəsi 3 il idi ki, bağlı idi. ANSPRESS