Gürcüstan tank əleyhinə silah istehsal etməyə başlayıb. Yerli istehsal idxaldan iki dəfə ucuz başa gəlir. ANS PRESS-in BBC-yə istinadən verdiyi məlumata görə, bunu Gürcüstan prezidenti Mixail Saakaşvili bildirib.

“2008-ci ilədək heç kim bizə tank əleyhinə silah vermirdi. Baxmayaraq ki, biz hamıdan xahiş etmişdik. Artıq bizim silah almağa ehtiyacımız yoxdur. İndi öz silahımızı istehsal edirik və bu, təxminən iki dəfə ucuz başa gəlir”, - Mixail Saakaşvili “Delta” elmi-texniki mərkəzində bəyan edib.

Gürcüstan prezidenti əminliyini ifadə edib ki, ölkəsi gələcəkdə raket əleyhinə sistem də yaradacaq.