Gürcüstanın parlamentinin keçmiş spikeri, “Xalq məclisi” müxalifət hərəkatının liderlərindən biri Nino Burcanadze Tiflisdə ölkə prezidenti Mixail Saakaşvilinin istefası tələbi ilə keçiriləcək etiraz aksiyalarının yeni marşrutunu açıqlayıb. “Mayın 25-də aksiya iştirakçıları Azadlıq meydanına toplaşacaqlar. Məqsəd 2008-ci ilin avqustunda rüsvay olan Silahlı Qüvvələrin ali baş komandanı, Qoridə cangüdənlərinin arxasında gizlənən Mixail Saakaşvilinin səhəri gün hərbi paradı qəbul etməsinə imkan verməməkdir”, - Nino Burcanadze bildirib.

Nino Burcanadze tərəfdarlarını saylarını artırmağa və hərbi paradın keçirilməsinə imkan verməməyə çağırıb. “Hakimiyyət paradı sakitliklə qəbul edə bilməyəcək”, - o bildirib. Nino Burcanadze “etibarlı mənbə”yə istinadən onu da deyib ki, əgər aksiya zorla dağıdılsa, Gürcüstan ordusu hakimiyyəti müdafiə etməyəcək.

Eks-spiker müxalifət tərəfdarlarını ölkənin Birinci kanalının binası yaxınlığbında gərginlik ocağını daha iki gün saxlamağa çağırıb. “Biz plana yyğun hərəkət edəcəyik. Hər şey dinc yolla və Konstitusiya çərçivəsində baş verməlidir”, - Nino Burcanadze bildirib.

Gürcüstan parlamentinin hazırkı spikeri David Bakradze isə əmindir ki, müxalifət mayın 26-da hərbi paradı poza bilməyəcək. Onun sözlərinə görə, ölkənin Müstəqillik günü münasibətilə keçirilməsi planlaşdırılan hərbi paradla bağlı müəyyən ediləın plan dəyişməz qalıb.