“Gürcüstan uğrunda alyans”ın lideri İrakli Alasaniya hesab edir ki, müxalifətlə hakimiyyət arasında normal əməkdaşlıq qurmaq üçün Tiflisə nüfuzlu beynəlxalq vasitəçi göndərilməlidir. ANS PRESS-in “İnterfaks”a stinadən verdiyi xəbərə görə, Alasaniya bildirib ki, bu məqsədlə beynəlxalq nüfuza və təcrübəyə malik siyasətçi seçmək lazımdır.

“Həmin şəxs hakimiyyət və müxalifət arasındakı dialoqda hansısa vasitəçi rolu icra etməlidir və əldə olunan sazişlərin icrasına zamin olmalıdır”, - deyə o bildirib. /ANS PRESS/