ABŞ-ın Buffalo şəhərinə (Nyu-York ştatı) yağan güclü qar magistralda avtomobillərin hərəkətini ifdic edib. Yüzlərlə avtomobil ətraf aləmdən təcrid olunub. Gecəni maşınlarda keçirməli olanlar qarın əsirliyindən xilas ola bilmirlər.

Hökumət təbii fəlakətdən zərər çəkənləri xilas etmək üçün tədbirlər görür. Xilasedicilər və yanğınsöndürənlər əraziyə isti geyimlər və isti içkilər gətirib.

Metereoloqların hesablamalarına görə, ötən sutka ərzində qar fəlakəti ilə üzləşən bölgələrə təxminən 60 santimetr hündürlüyündə qar yağıb.