Tailandın paytaxtı Bankoqın hava limanında göyərtəsində 35 ton silah-sursat olan İL 76 təyyarəsi saxlanılıb. Təyyarənin Qazaxıstan və Belarusdan olan 5 üzvü həbs edilib. Qazaxıstanda qeydiyyatdan keçən silahla dolu təyyarənin Şri-Lankaya doğru istiqamətləndiyi bildirilir.

Qeyd edək ki, İL-76 -nın pilotları əvvəlcə Don Mıanq hərbi hava limanında enişə icazə istəyiblər. Təyyarə yerə endikdən sonra həbs edilib.
Verilən məlumata görə, təyyarənin tutulması Tailand və ABŞ kəşfiyyat xidmətlərinin birgə əməliyyatının nəticəsi olub.
İl-76-nın göyərtəsində "hava-torpaq" tipli raketlər və digər silahlar aşkar edilib. Silah-sursat Tailandın Taxli hava qüvvələri bazasına göndərilib.

Hazırda Şimali Koreyadan gəlməsi ehtimal edilən təyyarənin heyəti dindirilir. ANSPRESS