Amerikanın Arkansas əyalətindəki yaşayış qəsəbələrindən birində ötən gün ğıü quş yağıb. ANS PRESS “CNN Türk”ə istinadən xəbər verir ki, yerli vaxtla saat 23.30-da şəhər rəsmilərinə göydən ölmüş quş cəsədləri tökülməsi barədə məlumat daxil olub. Hadisənin şahidləri təxminən 2 kvadrat/km ərazidə 1000-dən çox quş ölüsü aşkarlandığını bildirib.

Arkansas “Ovçular və balıqçılar” cəmiyyətinin quşlar üzrə mütəxəssisi Karen Rou tapılan qara rəngli quşlarda fiziki travma olduğunu, bunun ildırım və ya dolu səbəbilə ola biləcəyini deyib. Rou oxşar hadisələrin daha əvvəl başqa yerlərdə də baş verdiyini, quşların zəhərlənmədən ölmə ehtimalının olmadığını bildirib.

Başqa bir versiyada isə quşların yeni il fişəngləri səbəbilə uçuş marşrutlarını qarışdırdığı, bunun yaratdığı stressin ölümə yol açdığı deyilir.

Qeyd edək ki, təxminən 100-ə yaxın quş cəsədi araşdırılmaq üçün Viskonsin “Milli Vəhşi Təbiət” səhiyyə mərkəzinə göndərilib.