Türkiyə İstanbul şəhərinin Taksim meydanında keçirilən “Gəzi parkı” aksiyasında məscidə girərək burdan tibb məntəqəsi kimi istifadə edən etirazçılarla bağlı yeni video yayılıb. Yeni videoda arxasında xaç işarəsi olan həkim xələti geyinmiş bir nəfər diqqəti cəlb edir. Yaralılara müdaxilə edən bu şəxs eyni zamanda ətrafdakılara da göstərişlər verir. Bundan başqa sərxoş vəziyyətdə dalaşaraq məbədə ziyan vuranlar, məsciddə ayaqqabı ilə gəzənlər və öpüşən cütlüklər də təhlükəsizlik kamerasının yaddaşına həkk olunublar.

Xatırladaq ki, daha əvvəl aksiyaçıların məscidə etdiyi hörmətsizliyi əks etdirən video və foto şəkillər yayılsa da, baş nazir Rəcəb Tayyib Ərdoğan əllərində yeni, şok videolar olduğunu demişdi.