Alp dağının Fransada olan hissəsində qar uçqunu baş verib. “Anadolu” agentlyinin yaydığı məlumata görə, təbii fəlakət nəticəsində 9 nəfər ölüb, 6 nəfər xəsarət alıb, itkin düşən 7 nəfərin isə axtarışı davam edir. Məlumata görə, uçqunun altında qalaraq ölənlərdən 3-ü ingilis, 2-i alman, 2-i isveçrəli, 2-i isə ispandır. İtkin düşənlərdən 5 nəfəri ingilis, 2 nəfəri ispandır.

Qeyd edək ki, itkin düşən alpinistlərin axtarışları helikpopterlərlə davam edir. Xəsarət alan 6 nəfər isə təcili yardım helikopteri ilə xəstəxanaya çatdırılıb.

Fransa daxili işlər naziri Manuel Vals da hadisə yerinə gedərək axtarış-xilasetmə işləri ilə yaxından tanış olub.