İsrailin Qəzza blokadasını yarmaq üçün yola çıxmış Fransa gəmisi artıq Qəzza zolağı sahillərinə yaxınlaşmaqdadır. "Əl-Karama" gəmisinin göyərtəsində olanlar fələstinli insan haqları müdafiəçiləridir. Gəmi "Azadlıq donanması-2"-nin tərkibinə daxildir. "Əl-Karama" Qəzza zolağına humanitar yardım aparan yeganə gəmidir ki, Yunanıstan keçidində qoyulmuş qadağanı dəf etməyi bacarıb. Qəzza sahillərinə təxminən 40 mil məsafədə gəmi İsrailə məxsus 3 hərbi gəmi tərəfindən nəzarətə alınıb.

"Azadlıq donanması-2"-nin təşkilatçıları bildirirlər ki, "Əl-Karama" gəmisində heç bir yük qalmayıb və İsrail hökumətinin onu saxlamağa heç bir hüququ yoxdur. İsrail tərəfi isə Qəzza zolağının dəniz blokadasının yarılmasına imkan verməyəcəyini bir daha bəyan edib. ANSPRESS