ABŞ-ın Florida ştatında birmotorlu təyyarə yaşayış evinə çırpılıb. Təyyarə qəzası bazar günü ştatın Klearvater şəhərində baş verib.

Təyyarənin pilotu və sərnişinlər yaralansa da, həkimlər onların həyatının təhlükədə olmadığını bildiriblər. “Associated Press”in verdiyi məlumata görə, xoşbəxtlikdən qəza zamanı üç uşaq da daxil olmaqla evdə olan altı nəfərdən heç kim xəsarət almayıb.

Hadisədən sonra təyyarədə baş verən yanğının qarşısı xilasedicilər tərəfindən alınıb. Qəzanın hansı səbəbdən baş verməsi isə açıqlanmır. ANSPRESS