Misirdə baş vermiş qum fırtınası nəticəsində 11 nəfər ölüb, 59 nəfər isə yaralanıb. Misirdə nəşr olunan “Yəvm əl Saba” qəzetinin yaydığı məlumata görə, İskəndəriyyə şəhərində bir tekstil fabriki fırtına səbəbilə uçub, nəticədə 2 nəfər ölüb və 10 nəfər yaralanıb. Qəzet dağıntılar altında fəhlələrin ola biləcəyini istisna etməyib.

“Yəvm əl Saba” qəzeti həmçinin ölkənin fərqli yerlərində baş vermiş qum fırtınası və yağış səbəbilə 11 nəfərin öldüyünü, 59 nəfərin yaralandığını yazır.

Yerli “ON” telekanalı isə dağıntıların altında 20 nəfərin qaldığını, 5 nəfərin yaralı olaraq xilas edildiyini bildirmişdi.

Fırtına səbəbilə yenə də İskəndəriyyə şəhərində bir binanın çökməsinin və bir ağacın da aşmasının 2 nəfərin ölümü ilə nəticələndiyi xəbər verilir.

Qatarın “Əl Cəzirə” telekanalı isə qum fırtınası və yağışlı hava şəraiti səbəbilə Misirdə 10 nəfərin öldüyünü, 40 nəfərin yaralandığını bildirir.