Fələstin tərəfi İsrail ərazisinə 5 raket atdı. ANS PRESS-in Türkiyə mətbuatına istinadən verdiyi məlumata görə, əldə hazırlanan raketlər İsrailin Holat, Kerem Şalom və Nir Yitzhak hərbi bazalarına atılıb.

Hücumun İsrailin bir fələstinlinin ölümünə səbəb olan hava hücumuna cavab olaraq edildiyini və davamlı olacağı bildirilib. İsrail tərəfi raket hücumuyla bağlı hər hansı açıqlama verməyib.

Xatırladaq ki, İsrail ordusunun aprelin 30-u səhər saatlarında Qəzzanın şimalındakı Əl-Muhaberat bölgəsində təşkil etdiyi hava hücumu zamanı bir nəfər fələstinli həyatını itirib.