İngiltərəda yaşayan veb dizaynerin qatarda görüb aşiq olduğu qızı tapmaq üçün açdığı “Facebook” səhifəsinin 13 mindən çox üzvü var. Məlumata görə, Bristolda yaşayan 26 yaşlı Keyr Moffatt mayın 6-da qatarla Kardiffə gedərkən sərnişin qıza aşiq olur və onlar bir müddət söhbət edirlər. Mənzil başına çatdığı üçün qatardan düşən qızdan Moffatt əlaqə üçün məlumat almadığını gec fərq edir. Daha sonra saçında mavi lent olan qızı axtarsa da tapa bilməyən Keyr Moffatt bu məqsədlə “Facebook”da səhifə yaradır və bununla paralel xeyirxah addım atmağa qərar verir.

Yaşadığı romantik hekayəni səhifyə yerləşdirən Moffat səhifə təqibçilərindən “Marie Curie” xərçəng xəstələyi ilə mübarizə dərnəyi üçün 1 funt sterlinq yardım tələb edir.

Qeyd edək ki, Keyr Moffatt axtardığı qızı tapa bilməsə də dərnək yararına 850 funt sterlinqə qədər pul toplamağa nail olur. Səhifə təqibçilərinin sayı isə hazırda 13 mini keçib.

Moffatt artıq qızı axtarmaq fikrindən daşınıb: “Fikirləşirəm ki, bəlkə də görüşmək istəmir. Bunu başa düşürəm və hörmətlə yanaşıram. Hamı xəyal qırıqlığına düşsə də mən sirrli qızın sirr kimi qalması üçün ondan əl çəkdim”. ANSPRESS