Xorvatiyada olan adalardan biri sosial şəbəkə "Facebook"un şərəfinə adlandırıla bilər. ANS PRESS-in "Lenra.ru" saytına istinadən verdiyi məlumata görə, bu ideya adada yerləşən Xvar şəhərinin meri Pyerino Bebiçə məxsusdur.

Belə ki, Bebiç artıq sosial şəbəkənin yaradıcısı olan Mark Zukerberqə bununla bağlı müraciət də ünvanlayıb. Bundan əlavə mer onu Adriatikdə ən günəşli hesab edilən adaya yay tətilində istirəhət etməyə dəvət edib.

Qeyd edək ki, əgər şəbəkənin yaradıcısı merin təklifinə müsbət cavab verərsə Veli Vordnyak adası "Facebook" adlanacaq. Bu adada mayak da var.

Xvar meri və sakinlər bu yolla adaya daha çox turist cəlb edə biləcəklərini düşünürlər.