Çinin şimalında Şanxi əyalətində nadir bilinən eşşək arısı 42 nəfəri öldürüb, 1 640 nəfəri yaralayıb. ANS PRESS-in Çinin rəsmi Xinhua agentliyinə istinadən verdiyi xəbərə görə, arılar iyul ayından hücuma başlayıb. Buna görə bölgəyə 3 tibbi qrup göndərilib.

Çinin Şimal qərb Kənd və Meşəçilik təsərrüfatı universitetinin professoru Hua Baozhen, arıların hücumunun əsas səbəbinin ekoloji dəyişiklik nəticəsində arıların hörümçək və kuşlar kimi təbii düşmənlərinin azalması olduğunu bildirib.