Türkiyənin Burdur şəhərindəki məscidlərdən birində eskalator qoyulub. Yaşlı möminlərin pillələri çıxarkən çətinlik çəkməsi səbəbilə qoyulan eskalator namaz vaxtlarında işlək vəziyyətdə olur.

“Bazar” məscidini mühafizə dərnəyinin sədri Suat Can pilləkənlər dik olduğu üçün möminlərin məscidə eskalator qoyulmasını tələb etdiklərini, tələbin dərnək tərəfindən müsbət qarşılanaraq bu istiqamətdə qərar verildiyini və icra edildiyini deyib.

Qeyd edək ki, 750 kvadratmetr ərazidə yerləşən Burdur “Bazar” məscidi ilk mərtəbəsi 60-a yaxın iş yeri olan binanın ikinci mərtəbəsindədir. Eyni vaxtda 1 000 möminin ibadət edə bildiyi məscid 1971-ci ildə tikilib.

Xüsusilə yaşlı möminlər isə eskalatordan razı qaldıqlarını bildirirlər.