Suriya ordusuna aid döyüş təyyarəsinin Hələbin Urum Kəbir bölgəsinə endirdiyi aviazərbələri nəticəsində 7 nəfər ölüb, 50 nəfər də yaralanıb.

ANS PRESS-in Suriya mətbuatına istinadən verdiyi xəbərə görə, hücumda fosfor raketlərindən də istifadə olunduğu iddia edilib.

Suriya Milli İnqilab Şurası, rejimə aid döyüş təyyarəsinin Urum Kəbir bölgəsinə atdığı raketlər arasında fosfor raketinin olduğunu təsdiq edib. Şuranın səlahiyyətli nümayəndəsi Yasir Əhməd, ölənlərin bədənlərində şişlərin yarandığını bildirib.

Y.Əhməd, yaralıların bölgədəki səhra xəstəxanalarına çatdırıldığını qeyd edib.