Ermənistan ordusundakı qanlı insidentin yeni təfərrüatları məlum olub. “ARMENIA Today” agentliyinin məlumatına görə, hadisə nəticəsində 6 nəfər ölüb. İnsident Azərbaycanın işğal altındakı Xocavənd rayonunda baş verib. Agentliyin istinad etdiyi mənbənin məlumatına görə, sıravi əsgər 5 hərbçini güllələyib, sonra isə intihar edib. Ölənlərin hamısı Ermənistan vətəndaşlarıdır.

Helsinki Assosiasiyasının Vanadzodakı nümayəndəliyinin rəhbəri Artur Sakunts bildirib ki, insidentə zabitlərin əsgərləri alçaltması səbəb olub. Zabitlər əsgəri postda yatmış vəziyyətdə aşkarlayıblar və təhqir etməyə, alçaltmağa başlayıblar. Nəticədə əsgər avtomat silahı götürərək, atəş açmağa başlayıb. ANSPRESS