Bu gün Ermənistanın paytaxtı İrəvanda Ermənistan silahlı qüvvələrinin hərbçilərini daşıyan “VAZ 2108” markalı maşın yoldan çıxaraq aşıb. ANS PRESS-in Ermənistan mətbuatına istinadən verdiyi məlumata görə, hadisə nəticəsində 34 yaşlı müqavilə əsasında qulluq edənhərbçi Edvard Ovannisyan xəstəxanaya aparılarkən aldığı xəsarətlərdən dünyasını dəyişib.

Bu barədə məlumatı Ermənistan Müdafiə Nazirliyinin istintaq xidmətinin ictimaiyyətlə əlaqələr şöbəsinin böyük zabiti Meri Sarkisyan da təsdiq edib.

Onun sözlərinə görə, qəzadan sonra Yexeqnadzor şəhərinin sakini 24 yaşlı Tiqran Mxitaryan və 24 yaşlı Daqe Daniyelyan xəstəxanaya yerləşdiriliblər. Sürücünün vəziyyətini isə həkimlər qənaətbəxş qiymətləndirirlər.