İyunun 16-da nəqli dayandırılan Rusiya qazının Ermənistana verilməsi bərpa olunub.  Bu barədə “AmRosqazprom” şirkətinin mətbuat katibi Şuşan Sardaryan RİA Novosti agentliyinə bildirib.

Onun sözlərinə görə, Gürcüstan tərəfi uzunluğu 3,6 km olan yeni magistral “Qazax-Saquramo” qaz kəmərinin birləşdirilməsi ilə bağlı apardığı təmir işlərini bu gün başa çatdırıb. 2 saatdan sonra Ermənistan qazı alacaq.

Qeyd edək ki, Ermənistan bu vaxta kimi öz daxili imkanları hesabına ehtiyat qaz anbarından istifadə edib. /ANSPRESS/