Rusiya təbii qazının Ermənistana nəqli yenidən bərpa olunub. Bu barədə Gürcütan neft və qaz korporasiyasının mətbuat katibi Tamuna Şaşiaşvili məlumat verib. Onun sözlərinə görə, Gürcüstanın qaz nəqliyyatı şirkəti magistral qaz kəmərinin bir neçə məntəqəsində təmir-bərpa işləri aparıb.

Qeyd edək ki, aprelin 28-də Ermənistana qazın nəqli müvəqqəti olaraq dayandırılmışdı. Buna səbəb Gürcüstanın dağlıq ərazilrindən biri olan Qudauri-Kobi ərazisində torpaq sürüşməsi olub.

Mayın 6-da kəmərə sınaq üçün qaz buraxılmışdı. Amma sonradan kəmərin Düşeti rayonundan keçən hissəsində daha bir neçə nöqsan aşkarlanıb. Məlum olub ki, həmin rayonda 4 ərazidə kəmərin üzərinə qayadan qopan 20 tonlıq daş parçası düşüb. ANSPRESS