Ermənistana humanitar yardım kəskin azalıb. Görünür, "çox əzablar çəkmiş" bu Cənubi Qafqaz ölkəsi bura humanitar yardım göndərən donor ölkələri qıcıqlandırmağa başlayıb.

Belə ki, Ermənistan Milli Statistika Xidmətinin məlumatlarına görə, 2013-cü ilin yanvar ayında Ermənistana cəmi 240 ton yardım daxil olub. Keçən ilin müvafiq dövrü ilə müqayisədə bu rəqəm 10 dəfə azalıb. Yardımın kimə, necə və nə vaxt paylanması isə tam məxfi saxlanılır.

Görünür, elə buna görə də dünyaın ən iri erməni icması olan ABŞ erməni icması yardımın gətirilməsini kəskin şəkildə azaldıb. Elə həmin Milli Statistika Xidmətinin məlumatlarına görə, bu ilin yanvar ayında ABŞ-dan Ermənistana göndərilən yardımın həcmi cəmi 337 min dollar təşkil edib. Bu, keçən ilin yanvarı ilə müqayisədə 5 dəfədən də azdır.

Bəs bu humanitar yardım axını ümumiyyətlə quruyandan sonra nə olacaq? Yəgin ki, ermənilər nəsə yeni bir şey düşünməli olacaqlar. Hətta onlar göz yaşlarını saxlamaya da bilərlər. Axı onlar belə şeylərin ustasıdırlar.

Bəlkə, elə buna görədir ki, Serj Sarkisyan Moskvaya tələsir. Birdən nəsə qabağına atarlar...