Ermənistan və Slovakiya hərbi sahədə əməkdaşlıq edəcək. ANS PRESS-in erməni kütləvi informasiya vasitələrinə istinadən verdiyi məlumata görə, paytaxt Bratislavada Ermənistanın müdafiə naziri Seyran Ohanyan ilə slovakiyalı həmkarı Lyubomir Qalko hərbi sahədə əməkdaşlığa dair sənəd imzalayıblar.

Seyran Ohanyanın rəhbərliyi ilə Ermənistan nümayəndə heyəti noyabrın 22-dən Slovakiyada səfərdədir. Sənəddə hərbi təhsil, hərbi heyətin müfəssəl təlimatlandırılması, sülhməramlı fəaliyyət kimi hərbi sahələrdə əməkdaşlıq nəzərdə tutulub.

Qeyd edək ki, Ermənistan nümayəndə heyəti bu gün Macarıstana səfər edəcək. Səfər zamanı hərbi sahədə ikitərəfli münasibətlərin müzakirə edilməsi planlaşdırılıb.