Rusiyanın paytaxtı Moskva şəhərinin Orexovo-Borisovo mikrorayonunda iyunun 9-dan 10-na keçən gecə erməni əsilli vətəndaşlarla yerli sakinlər arasında dava olub. ANS PRESS-in Rusiya mətbuatına istinadən verdiyi məlumata görə.

General Belov küçəsində ermənilərlə ruslar arasında əlbəyaxa dava düşüb. İnsident zamanı soyuq silahlar işə salınıb. Hadisədə müxtəlif dərəcədə xəsarət almış iki nəfər xəstəxanaya yerləşdirilib. 10 Ermənistan vətəndaşı isə polis bölməsinə aparılıb.

Xatırladaq ki, son günlər ermənilər Rusiyanın müxtəlif şəhərlərində istər yerli sakinlər, istərsə də digər diaspora nümayəndələri ilə insidentə girirlər. Bir neçə gün əvvəl Soçi şəhərindəki insidentdə yüzlərlə erməni münasibətlərini yumruq gücünə ayırd etməyə cəhd göstərmişdi.