Amerikalı erməni modelin Kembriç Hersoqinyasına göndərdiyi hədiyyə geri qaytarılıb. Məlumata görə, Kim Kardaşyan bacılarıyla birlikdə ingiltərədə satışa çıxarmağa hazırlaşdığı “Kardashian Kollection” kolleksiyasından Hersoqinya Ketrinə hədiyyə göndərib. Kardaşyanların kolleksiyasına aid paltarlardan ibarət hədiyyəni qəbul etməyən Hersoqinya erməni bacıların çay dəvətini də kübarlıqla rədd edib.

Hersoqinyaya yaxın bir mənbədən əldə edilən məlumata görə, sarayda xanım Ketrinin leopard naxışlı mini yubka və metal bəzəkləri olan gödəkçə ilə kraliçanın dəvətinə getməsinin mümkün olmayacağı vurğulanıb. Saraydan verilən açıqlamada isə Hersoq və Hersoqinyanın rəsmi təmasların xaricində şəxsi tanışlardan hədiyyə qəbul etmədiyi bildirilib.