Türkiyə baş naziri Rəcəb Tayyib Ərdoğan və Rusiya baş naziri Vladimir Putin arasında telefon danışığı olub. Rusiya baş nazirinin mətbuat katibi Dmitri Peskovun verdiyi məlumata görə, telefon danışığı zamanı tərəflər iqtisadi əməkdaşlıq məsələlərini müzakirə edib.

Rusiya baş nazirinin digər telefon danışığı Qırğızıstanın müvəqqəti hökumət başçısı Roza Otunbayeva ilə baş tutub. Telefon danışığı Qırğızıstan tərəfinin təşəbbüsü ilə həyata keçirilib. Vladimir Putin və Roza Otunbayeva danışıqlar zamanı iki ölkənin qarşılıqlı iqtisadi əlaqələrini, o cümlədən Qırğızıstandakı cari vəziyyəti müzakirə edib.

Rusiya kütləvi informasiya vasitələrinin verdiyi məlumata görə, Vladimir Putin həmçinin Qazaxıstan prezidenti Nursultan Nazarbayevlə telefon danışığı aparıb. ANSPRESS