Türkiyənin baş naziri Rəcəb Tayyib Ərdoğan bu gün Rusiyaya üçgünlük işgüzar səfərə gedəcək. O, səfər çərçivəçsində Rusiya prezidenti Dmitri Medvedevlə və baş nazir Vladimir Putinlə görüşəcək, Rusiya-Türkiyə Yüksək Səviyyəli Əməkdaşlıq Şurasının iclasında iştirak edəcək.

Rəcəb Tayyib Ərdoğanın Moskva səfəri iki ölkə arasında imzalanmış dostluq müqaviləsinin 90-cı ildönümünə təsadüf edir. Səfər zamanı ticari-iqtisadi əməkdaşlıq, o cümlədən, Türkiyədə ilk Atom Elekrik Stansiyasının, Samsun-Ceyhan neft kəmərinin və “Cənub axıın” qaz kəmərinin inşası müzakirə ediləcək. Bundan başqa, hökumətlərarası komissiyanın bu yaxınlarda Kazanda keçirilmiş 11-ci iclasının yekunlarının da müzakirə planlaşdırılır.

Rusiya prezidentinin mətbuat xidmətinin məlumatına görə, Yüksək Səviyyəli Əməkdaşlıq Şurasının iclasında əsas yeri ticari-iqtisadi məsələlərin müzakirəsi tutacaq.

Rəcəb Tayyib Ərdoğanı Rusiya səfərində yeddi nazir, o cümlədən, xarici işlər, energetika, sənayen, kənd təsərrüfatı nazirləri, eləcə də işcüzar dairələrin 200-ə yaxın nümayəndəsi müşayiət edəcək.