Türkiyənin baş naziri Rədəb Tayyib Ərdoğanın maşın karvanında qəza baş verib. ANS PRESS-in “Doğan” xəbər agentliyinə istinadən verdiyi məlumata görə, səfərdən qayıdan Türkiyənin baş naziri İstanbulun Atatürk hava limanından toya gedirmiş. Onu müşayiət edən polis maşınlarından biri yolla hərəkət edən yük maşınına, yük maşını isə öz növbəsində maşın karvanındakı iki avtomobilə çırpılıb.

Qəzaya yağışlı havada yolun sürüşkən olması səbəb göstərilir. Hadisə nəticəsində xəsarət alan olmayıb. Amma yük maşınındakı qadın və iki qızı şok keçiriblər. Türkiyənin baş nazirinin mühafizə xidmətinin əməkdaşları onlara su verib.

Rəcəb Tayyib Ərdoğan yoluna davam edib, ərazidəki qəzalı maşınlar isə evakutorla oradan uzaqlaşdırılıb. ANSPRESS