Türkiyənin baş naziri Rəcəb Tayyib Ərdoğan jurnalistlərin, “Bayramda harda olacaqsınız?” sualına İstanbulda olmayacağam desə də, harda olacağını bildirməmişdi. Baş nazirin hara getməsi jurnalistləri o qədər maraqlandırmışdı ki, hətta onun xəstə olması barədə şayiələr də yayılmış və baş nazirlik bu iddiaları təkzib etməyə məcbur olmuşdu.

Bir meddət sonar isə baş nazir Ərdoğanın istirahət məkanı Bodrumda olduğu məlum olmuşdu. “Sözçü” qəzetinin əməkdaşı Tarkan Abdullahoğlu isə baş nazirin dincəldiyi yaxtada şortla və kepka ilə şəklini çəkməyə müvəffəq olub. Beləcə baş nazirin Bodrumda “Rixos” otelində qaldığı məlum olub.