Türkiyənin baş naziri Rəcəb Tayyib Ərdoğan seçki müddətində aparılan dəyişikliyin doğru qərar olmadığını, bu addımı atarkən tələsdiyini bildirib. Mardin vilayətində keçirilən tədbirdə çıxış edən baş nazir seçki müddətinin 5 ildən 4 ilə endirilməsinin yanlş qərar olduğunu etiraf edib.

“Seçki müddətini 5 ildən 4 ilə endirərək səhv etdik. O vaxt prezidentin seçki müddətini müzakrə edərkən müxalifətdə olan partiyanın təklifinə, “onlar ciddidir, dürüstdür” – deyərək aldandıq və seçki (parlament seçkisi) müddətini 4 ilə endirdik. Səhv etdik, çünki bu müddət xidmət üçün kifayət deyil. Bunun üçün 5 il lazımdır” – deyə Ərdoğan bildirib.