Türkiyənin baş naziri Rəcəb Tayyib Ərdoğan ötən gecə Qırğızıstana rəsmi səfərə gedib. Səfərin ilk günü Ərdoğanın Qırğızıstanın baş naziri Almazbek Atambayevlə təkbətək görüşü nəzərdə tutulub. Heyətlərarası görüşdən sonra səfərin nəticələrinə dair ortaq bəyanat imzalanacaq. Daha sonra ölkə prezidenti Roza Otunbayeva iki ölkə arasındakı münasibətlərə verdiyi dəstəyə görə Rəcəb Tayyib Ərdoğanı Qırğızıstan dövlət nişanı olan “Danaker” ordeni ilə təltif edəcək. Bundan başqa Ərdoğanın parlamentin spikeri Əhmədbek Keldibekovla görüşəcəyi və məclisdə çıxış edəcəyi gözlənilir.