Rusiya prezidenti Dmitri Medvedevin Ukraynaya səfəri zamanı kiçik insident baş verib. Amma bu dəfə zərərçəkən Rusiya prezidenti yox, Ukrayna prezidenti Viktor Yanukoviç olub. Kiyevdəki naməlum əsgərin abidəsini ziyarət edərkən, abidənin qarşısına qoyulan əklil Ukrayna prezidentinin başına düşüb.

Yanukoviçin rusiyalı həmkarı isə son anda bu təhlükədən sovuşa bilib. Medvedevin Təhlükəsizlik Xidmətinin əməkdaşları küləyin hərəkətə gətirdiyi çələngin Rusiya prezidentinin üstünə düşməsinə imkan verməyiblər. ANSPRESS