Əfqanıstandakı beynəlxalq sülhməramlı koalisiyada iştirak edən Gürcüstan kontingentinin itkilərinin sayı 9 nəfərə çatıb. Bu barədə məlumatı Gürcüstanın Müdafiə Nazirliyi yayıb.

Gürcüstan Silahlı Qüvvvlərinin 3-cü piyada briqadasının sıravi əsgəri “Taliban” silahlılarına qarşı döyüşdə ağır yaralanıb və hospitala aparılıb. Lakin onu xilas etmək mümkün olmayıb. Gürcü əsgər ötən ilin aprelindən Əfqanıstanda xidmət keçirmiş. O, silahlı toqquşmaların daha çox baş verdiyi Hilmənd əyalətində olub.

Qeyd edək ki, Gürcüstan hərbçiləri Əfqanıstandakı hərbi missiyada 1,5 ildir iştirak edirlər. Bu vaxta qədər 8 gürcü hərbçi Hilmənd əyalətində minaya düşərək həlak olub. ANSPRESS