Dünya Qızıl Birliyi dünyada ən çox qızıl ehtiyatı olan ölkələrin adlarını açıqlayıb. ANS PRESS-in Türkiyə mətbuatına istinadən verdiyi məlumata görə, araşdırmalar zamanı məlum olub ki, Amerika Birləşmiş Ştatları dünyanın ən çox qızıl ehtiyatına malik ölkəsidir. ABŞ-da 8 min 133 ton qızıl ehtiyatı var.

İkinci yerdə Almaniya gəlir. Mərkəzi Avropa ölkəsinin qızıl ehtiyatı 3 min 395 tona bərabərdir. Siyahıda İtaliya 2 min 451 ton qızılla üçüncü yerdədir.

Ötən il olduğu kimi qonşu Rusiya 7-ci yerini qoruya bilib. Rusiyanın 934 ton qızıl ehtiyatı var. Ötən il 11-ci yerdə olan Tayvan isə bu il 423 ton qızl ilə 10-cu yerə yüksəlib.

Ötən il 16-cı yerdə olan qardaş Türkiyə isə bu il siyahıda 11-ci yerə qədər yüksəlib. Lakin Türkiyə siyahıda ən çox qızıl ehtiyatına malik 10 ölkənin siyahısına düşə bilməyib.