Bütün dünyada Yeni ili qarşılaşmaq üçün hazırlıq işləri artıq yekunlaşıb. Rusiya paytaxtı Moskva şəhərində Yeni İl gecəsi avtomobillərin hərəkəti məhdudşadırılacaq. Metro gecə saat 2-yə qədər, avtobuslar isə saat 3-dək işləyəcək. Ümumilikdə Yeni il bayramı ilə əlaqədar olaraq 6 min tədbir təşkil edilib. Mərasimlərdə 3,5 milyon insanın iştirak edəcəyi gözlənilir. Belə ki, əsas tədbirlərin şəhərin Tverskoy, Tetralni və Lubyanka küçələrində keçiriləcəyi bildirlir. Yeni il bayramı münasibəti ilə Rusiya prezidenti Dmitri Medvedevin xalqı təbrik edəcəyi, bundan sonra isə Moskva çayı üzərində atəşfəşanlığın keçiriləcəyi deyilir.

Yeni il ərəfəsində Nyu- York şəhərinin küçələrində də polis işçilərinin sayı artırılıb. Artıq ABŞ vətəndaşlarının 2011-ci ili qarşılayacaqları “Times-Square” meydanında itlərin köməkliyi ilə partladıcı maddələrin olub-olmaması axtarılır. Tədbirlər keçirilən zaman isə ətraf ərazilər polisin ciddi nəzarəti altında olacağı gözlənilir. Yeni il gecəsi meydanda 1 milyon insanın yığışacağı gözlənilir. İnsanların təhlükəsizliyini təmin etmək üçün havaya helikopterlərin qaldırılması planlaşdırılıb. Evlərin damında isə snayperlər keşik çəkəcək. Asayişin qorunmasında polisə əks kəşfiyyat xüsusi idarəsi “Herkules” və süvari polislər köməklik edəcək. Şəhərin əsas meydanında həmçinin radiasiya və bakterioloji silahları aşkar edən cihazlardan, eləcə də təhlükəsizlik kameralarından istifadə ediləcək. Yeni il gecəsi meydana girmək istəyən hər bir şəxs metal detektorlar vasitəsilə yoxlanacaq. Yeni ili burada qarşılamaq arzusunda olanlara özləri ilə əl çantası, eləcə də də spirtli içkilər gətirmək qadağan edilib.

Avstraliyanın Sidney şəhərinin sakinləri Yeni il gecəsi təşkil olunacaq atəş-fəşanlığı müşahidə etmək üçün ən yaxşı yerləri tutmağa çalışırlar. Sidneyin “Harbor Bridge” meydanında baş tutacaq atəş-fəşanlığın təşkilatçıları bayramın çox gözəl keçəcəyini deyiblər. Sidney şəhərinin meri Lord Meyorun sözlərinə görə, ötən il yeni il bayramı üçün təşkil edilən atəşfəşanlığı bütün dünya üzrə 160 milyon insan müşahidə edib. ANSPRESS