Meksikada "Gözəllik kraliçası" seçilən qız qətlə yetirilib. ANS PRESS-in xarici mətbuata istinadla verdiyi məlumata görə, ölkənin şimalında hərbçilərlə narkotik ticarətçiləri arasında atışma baş verib. Gənc qız da bu toqquşma zamanı qətlə yetirilib.

Sinaloa əyalətinin prokuroru Marko Antonio Higuera atışmanın bir saata yaxın davam etdiyini bildirib. Onun sözlərinə görə, 2012-ci ildə keçirilən gözəllik yarışmasının qalibi olan Maria Susana Flores Qamezin cəsədinin yanında tüfəng də tapılıb.

O, hələlik kraliçanın hər hansı qruplaşma ilə bağlı olub olmadığını, tüfəngdən istifadə edib-etmədiyinin araşdırıldığını bildirib.