APA-nın məlumatına görə, DTP rəhbərlərinin həbsinə səbəb dekabrın 9-da icazəsiz aksiya keçirmələri və PKK terror təşkilatı lehinə şüarlar səsləndirməsidir. Saxlanan şəxslər həmçinin kürdləri iğtişaşlara sövq etməkdə, şəhərdə qarışıqlıq yaratmaqda ittiham olunurlar. Dünən gecə saatlarında təhlükəsizlik qüvvələri DTP İğdır təşkilatının ofisində axtarış aparıb. Axtarış zamanı ofisdən PKK terror təşkilatının fəaliyyəti ilə bağlı çoxlu sənəd, qadağan olunmuş ədəbiyyat və sənədi olmayan bir silah götürülüb. Xatırladaq ki, dekabrın 9-da DTP-nin törətdiyi iğtişaşlarla əlaqədar İğdırda 81 nəfər həbs olunmuşdu. APA