Amerika kinematoqrafçılarının təzəlikcə lentə aldıqları “Paranormal hadisələr” (“Paranormal Activity”) dəhşət filmi İtaliyada qalmaqala səbəb olub. “The Telegraph” yazır ki, əgər Böyük Britaniya və ABŞ-da sözügedən filmə baxmaq üçün yaş məhdudiyyəti tətbiq edilmişdisə, İtaliyada istənilən şəxs bu filmə baxmaq imkanı əldə edib.

Bu qorxunc filmin İtaliyadakı təqdimatından dərhal sonra ölkənin xilasetmə xidmətinə qorxu və təlaşdan sürəkli olaraq pis hallara düşən kinohəvəskarlarından zənglər daxil olmağa başlayıb. Həkimlərin sözlərinə görə, daha ağır hal qorxudan iflic vəziyyətinə düşən və xəstəxanaya yerləşdirilən 14 yaşlı qız uşağı ilə bağlı olub.

Hətta vəziyyət o yerə çatıb ki, İtaliyanın müdafiə naziri İqnasio La Russa da vəziyyətə müdaxilə etməli olub. O, yerli televiziyalarda nümayiş etdirilən filmin reklam çarxınının minlərlə uşağı qorxuya saldığı bildirib. ANSPRESS