Gürcüstan prezidenti Mixail Saakaşvilinin Vahid Milli Hərəkat partiyasının prezidentliyə namizədi parlamentin sabiq spikeri David Bakradze olub. Bu barədə şənbə günü Tiflisdə keçirilən praymerizin sonuncu mərhələsində məlum olub. Bakradze bütün rəqiblərinə qalib gəlib.

Qeyd etmək lazımdır ki, Bakradze Gürcüstanın regionlarında keçirilən bütün praymerizlərdə, həmçinin onlayn-sorğuda qalib gəlib.

Bakradzeyə rəqib qismində parlamentin deputatları Giorqi Baramidze, Şota Malaşxiya və Zurab Abaşidze çıxış edib.

Qələbədən sonra Bakradze qeyd edib ki, bu gün Gürcüstana bütün ölkəni birləşdirən və fikir ayrılığı yaymayan prezident lazımdır. O hesab edir ki, seçkilərdə qələbə qazanma şanslarına malikdir.

Gürcüstanda prezident seçkiləri oktyabrın 27-də keçiriləcək.