Dağıstanda içində partlayıcı qurğu quraşdırılmış avtomobil partladılıb. Məlumata görə, polis Hacalmahi kəndi yaxınlığında şübhəli avtomobil aşkar edib. Əməliyyat qrupu avtomobilə baxış keçirmək istəyərkən, partlayıcı qurğu işə düşüb. Partlayış nəticəsində 8 nəfər ölüb, daha 6 nəfər isə xəsarət alıb. Ölənlərin 1-i polis, 7-si isə mülki şəxslərdir. Onların arasında azyaşlı qız uşağı da var.

Hal-hazırda Dağıstan hüquq-mühafizə orqanları əməkdaşları avtomobilin kimə məxsus olduğunu araşdırır. Faktla bağlı Rusiya Cinayət Məcəlləsinin bir neçə maddəsi ilə cinayət işi açılıb. ANSPRESS