Dağıstanın Noqay rayonu ərazisində, Terekli-Kizlər yolunda üç avtomobil toqquşub. ANS PRESS, RİA “Novosti”yə istinadən xəbər verir ki, hadisə nəticəsində 9 nəfər həlak olub.
Rusiya Federasiyası Fövqəladə Hallar Nazirliyinin Cənub regional mərkəzinin məlumatına görə, hadisə ötən gün yerli vaxtla saat 21.47-də (Bakı vaxtı ilə 22.47) qeydə alınıb. Üç VAZ avtomobilinin toqquşması zamanı ölənlərdən ikisinin uşaq olduğu bildirilir. Avtomobillərdən birinin yanması barədə məlumatlar olsa da, bu, hələlik rəsmən təsdiqlənməyib. İnsident yerində yanğınsöndürənlər işləyir. /ANS PRESS/