Rusiya Federasiyası Dağıstan Respublikasının Kizilyurt rayonunun Stalskoye kəndində aparılan xüsusi əməliyyat nəticəsində bir yaraqlı zərərsizləşdirilib, digəri isə gizlənməyə müvəffəq olub. APA-nın məlumatına görə, bu barədə Rusiya Federasiyası İstintaq Komitəsinin nümayəndəsi bildirib.

"Gecə saatlarında Kizilyurt rayonunda keçirilən birgə nəzarət-profilaktik əməliyyatı nəticəsində təhlükəsizlik orqanlarının əməkdaşları silahlı qrup aşkarlayıb. Əməliyyatın gedişində bir yaraqlı zərərsizləşdirilib, digəri isə qaçmağa müvəffəq olub", deyə mənbə agentliyə bildirib.

Onun sözlərinə görə, hazırda zərərsizləşdirmiş silahlının şəxsiyyəti müəyyənləşdirilir.