“Bonhams” hərracında çini qab 7,66 milyon dollara satılıb. İlkin olaraq çini qaba 10-15 min dollar qiymət təyin edilibmiş. 1905-ci ildə imperator Tsyan Lunun dövründə hazırlandığı ehtimal edilən qab dəyərindən 600 dəfə baha qiymətə satılıb. Alıcı çini qabın 1905-ci ildə deyil, XVIII əsrdə hazırlandığını güman edərək onu belə yüksək məbləğə əldə edib.

“Bonhams” hərracının nümayəndələri isə mütəxəssislərin çini qaba ilkin olaraq ucuz qiymət təyin etmələrini ehtiyatla atılmış addım kimi dəyərləndiriblər. Ümumilikdə isə hərracda 19 milyon dollar gəlir əldə edilib. Hərracda iştirak edən alıcıların əksəriyyətinin çinlilər olduqları bildirilir.

Xatırladaq ki, son illlər Çin mədəniyyəti və incəsənətinə məxsus əşyalara tələbat artıb. İndiyədək Tsyan Lun sülaləsinin dövründə hazırlanmış çini qab hərracda 83 milyon dollara satılmışdı. Bu məbləğ hələ ki, mütləq rekord məbləğ sayılır.