Çinin cənub-qərbində Rixter cədvəli ilə 5,9 bal gücündə zəlzələ baş verib. Zəlzələ nəticəsində, ən son məlumatlara görə, 1 nəfər ölüb, 20-dən çox adam da xəsarət alıb. Yeraltı təkanlar Yunnan və Siçuan əyalətlərinin sərhədində, yerin 10 kilometr dərinliyində qeydə alınıb. 1 dəqiqə davam edən zəlzələ anı təhlükəsizlik kameralarına həkk olunub.

Zəlzələ Yunnan əyalətində torpaq sürüşməsinə də səbəb olub. Ölən şəxs də məhz torpağın altında qalan turist avtobuslarından birində olan qadın turist olub. "Sinxua" agentliyinin məlumatına görə, zəlzələ və torpaq sürüşməsi nəticəsində elektrik enerjisi naqillərinə və yollara ciddi ziyan dəyib, bir şəhərin ətraf aləmlə əlaqəsi tamam kəsilib.