Bu gün Çində baş verən növbəti mədən partlayışı nəticəsində 20 nəfər dünyasını dəyişib. Partlayış zamanı daha 30 nəfər isə dağıntılar altında qalıb.

ANS PRESS-in “Associated Press”ə istinadən verdiyi xəbərə görə, hadisə bu gün səhər saat 6 radələrində Çinin Xenan vilayətində baş verib.

Yerli hakimiyyətin məlumatına görə, hadisənin baş vermə səbəbi qaz sızması olub. Hazırda xilasetmə əməliyyatı aparılır. Hadisənin təfərrüatı barədə məlumat verilmir.

Çinin dağ-mədən sənayesi dünyada ən təhlükəli hesab olunur. Təkcə 2009-cu ildə Çin mədənlərində baş verən partlayışlar nəticəsində 2600 nəfər həlak olub. ANSPRESS