Çinin mərkəzi və qərb hissəsində güclü zəlzələ nəticəsində ölənlərin sayı 22-yə çatıb, yaralıların sayı isə 300-ü ötüb. Onlardan 80-i ağır travmalarla xəstəxanaya yerləşdirilib. Bu barədə "Sinxua" agentliyi xəbər verir. Zəlzələnin baş verdiyi an təhlükəsizlik kameralarına həkk olunub.

Zəlzələnin gücü Rixter cədvəli ilə 6,6 bal təşkil edib. Güclü yeraltı təkanlar yerli vaxtla səhər saat 7:45-də hiss edilməyə başlayıb.

Zəlzənin episentri ölkənin qərbindəki Qansu əyalətində, yerin 20 kilometr dərinliyində qeydə alınıb. Çin rəsmilərinin məlumatına görə, yeraltı təkanlardan Qansu əyalətinin əksər yaşayış məntəqələrinə ziyan dəyib, ciddi dağıntılar olub. Xilasedicilər ölən və yaralananların sayının artacağını istisna etmirlər.