Çin Xalq respublikasının şərqində olan Jinan şəhərində baş vermiş partlayış nəticəsində 8 nəfər ölüb, 6 nəfər isə xəsarət alıb. Çinin “Sinhua” agentliyinin yaydığı məlumata görə, hadisə ötən gün səhər Yanqxin qəsəbəsində əhalinin çox olduğu prospektlərdən birindəki fişəng anbarında baş verib. Qeyd edək ki, partlayış nəticəsində həyatını itirənlər arasında anbar sahibinin arvadı da var. Partlayışın baş verdiyi anbarın isə qeyri-qanuni fəaliyyət göstərdiyi bildirilir.