Tiflisdə quldurluqla məşğul olan gürcü və azərbaycanlılardan ibarət cinayətkar qruplaşma üzvləri yaxalanıb. Gürcüstanın Daxili İşlər Nazirliyindən verilən məlumata görə, yaxalanan şəxslər arasında dəfələrlə məhkum olunmuş Murad Soxadze, Mövlud Putkaradze, Qoqita Nemsisveridze və Levan Cqenti var.

Həmçinin onların cinayətkar fəaliyyətlərində iştirak edən şəxslər müəyyən edilib. Bunlar Qivi Kruaşvili, İmircan Əliyev, Elçin İbrahimov, habelə dəfələrlə məhkum olunmuş Petre Putkaradze və Tengiz Qaquadır.

Yaxalanan şəxslər yük və minik maşınlara silahlı basqında ittiham olunur. Bu cinayət əməlləri 2003-2005-ci illər ərzində törədilib.

Oğurlanan avtomobillər üç dəfə Azərbaycana keçirilib.

Hazırda Tiflis Baş Polis İdarəsi istintaq aparır. ANSPRESS