Ötən şənbə günü Çilidə baş verən 8,8 bal gücündəki zəlzələ yerdə sutkanın uzunluğunu azaldıb. Sutka 1,26 mikrosaniyə azalıb. Planetimiz özü isə öz oxundan 8 sm tərpənib. NASA-nın Reaktiv Hərəkat laboratoriyasının alimləri belə iddia edirlər.

Labaratoriyanın mütəxəssisi Riçard Qross bildirib ki, 2004-cü ildə Sumatra adasında baş vermiş zəlzələ və sunami zamanı günün uzunluği 6,8 mikrosaniyə azalmışdı. Yer oxu isə nisbətən az 7 sm-ə yaxın öz yerindən tərpənib.

Xatırladaq ki, Çilidə fevralın 27-də baş vermiş zəlzələ nəticəsində 733 nəfər ölüb. Onlarla insan itkin düşüb, Ümumilikdə 2 milyona yaxın adam zəlzələdən əziyyət çəkib. ANSPRESS